当前位置:915足球比分 >> 专家拆局 >> 正文内容

世界杯:卢卡古麦巴比和味之选

www.915.cc 2018年07月06日 来源:
卡尼带出热到烫手

世盃8强全部诞生,除冠军外,今届神射手之争亦进入白热化阶段,英格兰前锋哈利卡尼一枝独秀,暂以6球高踞射手榜榜首,但佢现时获神射手嘅足智彩赔率热到得1.11倍,未必适合想「刀仔锯大树」嘅球迷。查实除左卡尼之外,其馀几支晋级球队嘅射手整体表现都唔曳,随时一场波就可以扭转成个形势!

过去几季都喺英超攞神射手嘅哈利卡尼,上季虽然输左畀利物浦嘅穆罕默德沙拿,不过卡尼依然成功打破自己联赛入球纪录,仲将好脚风带到去今届世盃舞台。睇番近年世盃神射手往绩,除左「大哨」朗拿度喺2002年以8球夺得呢项荣耀之外,由1978年阿根廷前锋甘巴斯开始,到上届哥伦比亚嘅占士洛迪古斯,世盃神射手得主都入唔多过6球,可见暂时已经斩获6球嘅哈利卡尼,确实热得有理。

除左呢位大热嘅「三狮」射手之外,其馀列强都仲有唔少实力猛将,有力后上竞逐呢项殊荣。当中咬得最紧嘅肯定系比利时前锋卢卡古,佢暂时同葡萄牙嘅C朗拿度同样射入4球,不过由于葡萄牙已经出局,对卡尼威胁最大非呢位「曼联魔兽」莫属。另外法国攻击手基利安麦巴比,今届暂时轰入3球,16强面对阿根廷更梅开二度,可见呢位年仅19岁嘅前锋喺淘汰赛冇话怯场,如果大家嫌哈利卡尼太热嘅话,11倍嘅卢卡古及17倍嘅基利安麦巴比都系好分头之选。

「其他」注项包晒俄国孖宝

若果想再好分啲,不妨考虑有50倍嘅「其他」,因为已包含俄罗斯两大入球泉源迪斯尤巴及卓利舒夫,两位暂时同样有3个入波,加上俄罗斯8强面对年纪偏大嘅克罗地亚,以俄国行军之快速,两位随时又有入球进帐,相当值博。

完场比分 | 下日赛事 | 打印:足球赛事 篮球赛事 | 广告服务 | 加入收藏 | ↑Top
QQ:  邮箱:2283131222@qq.com

Copyright © 2016 www.915.cc 915足球比分 All Rights Reserved.

本站将尽力提供及时更新有效的即时比分信息,但并不保证所有比分信息为真实可靠以及并无错讹和谬误,用户在使用本网之服务时应自行甄别。
第三方机构可能在本站宣传他们的产品或服务,本站将不保证其宣传信息的准确性,您跟第三方机构的任何交易与本站无关。

如果不能正常浏览本站即时比分 请下载安装相应插件: ①IE6.0Flash PlayerMsxml

如果听不到进球声音,请安装Flash Player插件

使用本网站必须遵守本网址用户协议